والدتى ضيعت البوك وفيه رقم قومى ومفتاح شقه وورقة سحب ارباح من البنك
السلام عليكم
انا يا جماعه حصل عندى مشكله وقولت محدش هيفيدنى غير رجالة نايل موتورز
دلوقتى والدتى النهارده الخميس نزلت مشوار وللأسف البوك بتاعها ضاع وكان فيه الرقم القومى بتاعها + مفتاح الشقه + الورقه اللى بتسحب منها أرباحها من البنك
المشكله دلوقتى ان لو لقدر الله البوك وقع فى ايد حرامى هوه كده معاه عنوان البيت فى الرقم القومى ومعاه مفتاح الشقه بالاضافه لورقه البنك دى
طبعا احنا بكره هنغير قلب الطبله بتاعت باب الشقه بطقم مفاتيح جديده وطبعا هتعمل بدل فاقد للرقم القومى وكده يبقى حلينا اول مشكله
المشكله التانيه بقى تكمن فى الورقه بتاعت البنك دى الورقه دى والدتى بتروح تسحب بيها ارباحها من فلوس حطاها فى دفتر توفير و بيشوفوا الرقم القومى وعلى كلامها بيتحققوا من شخصيتها
السؤال بقى : هل الشخص ده ممكن يسحب فلوس من البنك ولا لازم صحاب الحساب نفسه حتى لو الشخص ده معاه الورقه دى والرقم القومى ؟
ولو ممكن يسحب فلوس يا ترى ايه الخطوات اللى الوالده تبدأ فهيا من يوم الحد الجاى ان شاء الله ؟
